Në Klinikën Infektive sot janë duke u trajtuar 22 persona, prej tyre 12 janë të infektuar me koronavirus.

Prej tyre 8 raste janë në gjendje stabile, 4 raste janë në trajtim me oksigjenoterapi dhe përkujdesje intensive, prej të cilëve 2 pacientë janë në gjendje më të rënduar dhe janë duke u trajtuar në Mjekimin Intensiv të kësaj klinike, shkruan Reporteri.

Kujtojmë se numri i rasteve të konfirmuara me koronavirus në Kosovë deri tani ka shkuar në 945, me 690 persona të shëruar dhe 29 viktima.

Gjatë kësaj jave numri i të infektuarve ka filluar të rritet përsëri, përderisa nga njoftimet e përditshme të IKSHPK janë raportuar më shumë raste sesa të shëruar.

Masat e lehtësimit kanë filluar që nga 4 maji, duke bërë që disa nga aktivitetet të fillojnë me punën e tyre të përditshme. Ndërsa nevojitet vlerësimi epidemiologjik dhe vendimi i Ministrisë së Shëndetësisë për të kaluar në fazën e dytë, e cila para konfirmimit të rasteve të fundit është parashikuar të ndodhë me 18 maj. /Reporteri.net