E konfirmon LDK: Sot mblidhemi për përgatitjen e Kuvendit për zgjedhjen e kryetarit të ri

Kryesia e dorëhequr e Lidhjes Demokratike të Kosovës do të mblidhet sot në orën 16:30.

---

Këtë e kanë konfirmuar për Gazetën Online “Reporteri.net” Safet Kamberi dhe Sokol Haliti anëtar të Kryesisë së LDK-së.

Pas publikimit të këtij lajmi, LDK e ka konfirmuar mbajtjen e mbledhjes së sotme.

LDK thotë përmes një njoftimi se Kryesia do të mblidhet për përgatitjen e Kuvendit të LDK-së për zgjedhjen e Kryetarit të ri.

Njoftimi i plotë i LDK-së:

Sqarim për opinionin publik

Sot, do të takohet Kryesia e Lidhjes Demokratike të Kosovës për përgatitjen e Kuvendit të LDK-së për zgjedhjen e Kryetarit të ri.

Për sqarim të opinionit, Kryesia e LDK-së nuk është në dorëheqje, si e cilësojnë disa media, por me autoritet të plotë deri në riorganizimet që mund të ndodhin pas zgjedhjes së Kryetarit.

Vetem Kryetari i LDK-së ka paralajmëruar dorëheqje, të cilën do t’ia ofrojë Kuvendit të LDK-së.

LDK – Zyra për Informim