Një aksident i rëndë ka ndodhur gjatë ditës së sotme në  fshatin Lluzhanë të Podujevës, ku për pasojë një person ka mbetur i vdekur dhe dy të tjerë janë lënduar.

Lajmin për Reporterin, e ka konfirmuar Bajram Krasniqi nga Polica e Kosovës.  Ai ka thënë se të lënduarit janë dërguar për trajtim të mëtutjeshëm në QKUK.

“Sot, më 15.11.2019 rreth orës 14:11, policia është njoftuar për një aksident trafiku në fshatin Lluzhanë në magjistralen Podujevë-Prishtinë.
Është njoftuar edhe emergjenca dhe njësia e zjarrfikësve. Në orën 14:30 kemi pranuar një konfirmim nga njësitë në vendin e ngjarjes se me konfirmim të mjekut kujdestar një person ka ndërruar jetë dhe dy persona të lënduar janë dërguar në QKUK-Prishtinë”, ka konfirmuar Krasniqi për Reporterin.