Një person ka vdekur si pasojë e një aksidenti në fshatin Lluga të Podujevës.

Viktima që po lëvizte me biçikletë u godit për vdekje nga një automjet.

Rastin e ka konfirmuar Flora Ahmeti, zëdhënëse rajonale e policisë në Prishtinë.

“Si pasojë e aksidentit, lëndime të rënda trupore ka pësuar biçiklisti, i cili nuk ka arritë të përballojë plagët dhe i njëjti ka ndërruar jetë”.

“Vdekjen e tij e ka konstatuar ekipi mjekësor në vendngjarje. Aktualisht policia ka nisë një hetim për zbardhjen e rrethanave që kanë çuar deri te ky aksident trafiku”, ka deklaruar ajo. /Reporteri.net/.