Eurodeputetja holandeze, Tineke Strik, është shprehur e zhgënjyer pse sot nuk pati pikënisje për liberalizimin e vizave për Kosovën në Samitin e BE-së.

Me anë të një postimi në Twitter, Strik ka uruar Ukrainën e Moldavinë që morën statusin e vendit kandidat për BE, por ka thënë se ky do të duhej të ishte momenti kur fillojnë negociatat me Maqedoninë e Veriut dhe Shqipërinë, si dhe i jepet liberalizimi i vizave Kosovës.

Ajo ka thënë gjithashtu se Ballkani Përëndimor do të duhej të afrohej më shumë me BE-në.

“Urime për qytetarët e Ukrainës dhe Moldavisë. Por ky moment duhet të ishte fillimi i negociatave me Maqedoninë e Veriut dhe Shqipërinë, liberalizimi i vizave për Kosovën dhe një perspektivë konkrete për Bosnje Hercegovinën. Qytetarët e Ballkanit Perëndimor meritojnë të afrohen”, ka shkruar ajo.

Congratulations for the citizens of Ukraine and Moldova. But this moment should have been the kick off of the negotiations with North Macedonia and Albania, visa liberalisation for Kosovo and a concrete perspective for Bosnia Herzegovina. The WB citizens deserve to come closer. https://t.co/hGkmZdnOIE

— Tineke Strik (@Tineke_Strik) June 23, 2022

Konkluzionet e Këshillit të BE-së, përmendet vetëm urgjenca për progres në dialogun Kosovë-Serbi e jo vizat