Fillon fshesa edhe në Ministrinë e Drejtësisë, Haxhiu shkarkon tre zyrtarë nga divizioni për mbrojtje juridike në Gjykatën Speciale

Ministrja e Drejtësisë, Albulena Haxhiu ka shkarkuar sot nga detyra tre zyrtarë nga Divizioni për Mbrojtje Juridike në Gjykatën Speciale, shkruan Gazeta Online “Reporteri”.

Personat e shkarkuar janë Astrit Gjocaj, Sami Bunjaku dhe Dhurata Salihi.

Ata ishin të emëruar në këto pozita në kohën sa ministër i Drejtësisë ishte Selim Selimi i AAK-së.

Në arsyetim thuhet se vendimet për emërimet e tyre janë bërë në kundërshtim me rregulloret e organizimit të brendshëm të Ministrisë.