Kryeministri i Kosovës, Albin Kurti ka filluar takimin me kryediplomatin gjerman, Heiko Mass, i cili po qëndron në vizitë një-ditore në vendin tonë.

Para këtij takimi, ministri i jashtëm Gjerman është takuar edhe me presidenten e Kosovës, Vjosa Osmani, ku më pas zhvilluan një konferencë për media.

Në këtë konferencë, Heiko Mass tha se Kosova i ka përmbushur të gjitha kriteret për liberalizimin e vizave.

Kurse, sa i përket dialogut, ai tha se duhet të ketë kompromise mes Kosovës dhe Serbisë, për stabilizimin e raporteve.