Deputetët e legjislaturës së tetë të Kuvendit të Kosovës kanë formuar komisionin për verifikimin e kuorumit dhe mandatit të deputetëve.

Ky komision u votua nga 114 deputetë të Kuvendit të Kosovës. Kundër këtij komisoni nuk pati as votë kundër dhe as abstenim, shkruan Reporteri.net.

Deputeti më i moshuar i Kuvendit, Avni Dehari, si kryesues i seancës, ka ftuar komisionin të mblidhet në një nga sallat e Kuvendit dhe ka kërkuar 20 minuta pauzë.

Kryesues i këtij Komisioni do të jetë Adnan Rrustemi nga Lëvizja Vetëvendosje, anëtarë të tij do të jenë deputetë të gjegjur nga të gjitha subjektet politike.

Nga PDK-ja anëtare është Ganimete Musliu, nga LDK-ja ëshë Besjan Mustafa, nga AAK-ja është Time Kadrijaj, nga Lista Serbe Zoran Mojsiloviq, nga Partia Demokratike Turke e Kosovës është Fikrim Damka, nga Iniciativa e Re Demokratike e Kosovës është Elbert Krasniqi, nga Koalicioni Vakat është Bahrim Shabani, nga Iniciativa Romani është Fadil Gashi.