×
  • Lajme
  • Lajme

    Gastronomët kërkojnë t’iu falen një pjesë e dënimeve për shkelje të masave

    Reporteri
    19 Mars 2021 | 18:41

    Gastronomët kërkojnë t’iu falen një pjesë e dënimeve për shkelje të masave, thonë se janë në gjendje të rëndë ekonomike.


    Përfaqësuesi i gastronomëve, Petrit Kllokoqi, ka kërkuar që t’iu falen një pjesë e gjobave të shqiptuara për shkelje të rregullave kundër pandemisë, duke thënë se janë në gjendje të vështirë ekonomike.

    “Diku rreth 3.3 milionë janë ndarë për gastronomi dhe deri më sot ne i kemi marrë dënime mbi 6 milionë euro. Që i bie se as me subvencionim nuk mund t’i paguajmë. Të ndalet dora për dënimet dhe një pjesë e dënimeve të falen sepse jemi në gjendje të rëndë ekonomike”, deklaroi ai.

    Kllokoqi ka thënë se tashmë numrat e rritur të të infektuarve me COVID-19 nuk është faj i tyre, por i fushatave zgjedhore, të mbajtura për zgjedhjet parlamentare të 14 shkurtit.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!