Gjashtë persona kanë mbetur të lënduar nga një aksident mes tri veturave në rrugën nacionale Mitrovicë-Prishtinë, saktësisht në fshatin Kçiç i Madh, raporton gazeta online Reporteri.net.

Rastin për Reporteri.net e konfirmoi zëdhënësi i Policisë së Kosovës për rajonin e Mitrovicës, Ilmi Prekazi, i cili tha se 6 të lënduarit tashmë janë dërguar për trajtim mjekësor në Spitalin Rajonal të Mitrovicës.

“Ju njoftojmë se sot pas orës 08:00, në rrugën nacionale Mitrovicë-Prishtinë saktësisht në fshatin Kçiq i Madh, ka ndodhur një aksident në të cilin janë të përfshira tri automjete me targa vendore ku si pasojë e aksidentit lëndime kanë pësuar gjashtë persona.Personat e lënduar janë dërguar për trajtim mjekësor në Spitalin Rajonal të Mitrovicës”, thuhet në përgjigjen e Prekazit për gazetën online Reporteri.net.

/Reporteri.net/.