Gjendet kokainë në Ferizaj, arrestohet një person

Një person është arrestuar të mërkurën rreth orës 01:00 në Ferizaj, pasi që gjatë kontrollit të veturës dhe të dyshuarit, në një çantë dore janë gjetur katër qese najloni me substancë pluhur të bardhë të dyshuar për substancë narkotike të llojit kokainë.


Rastin e ka konfirmuar Policia e Kosovës përmes raportit 24 orësh, ku ndër të tjera bëhet e ditur se gjatë kontrollit kanë gjetur edhe një thikë të vogël, 760 euro para të gatshme, 100 franga zvicerane, 100 denarë të Maqedonisë së Veriut, 10 denarë të Serbisë dhe disa tableta vitamina, shkruan Reporteri.net.

Vetura dhe telefoni i të dyshuarit janë sekuestruar nga Policia, ndërsa pas intervistimit, me vendim të prokurorit kujdestar, të dyshuarit i është caktuar masa e ndalimit policer për 28 orë. /Reporteri.net