Një gjeneral kanadez në pension, ish-komandant i UNPROFOR-it në Sarajevë, Luis Makenzi, përsëriti për mediat serbe se bombardimi i ish-Jugosllavisë dhe njohja e Kosovës ishin “marrëzi”.
Gjenerali në pension i Kanadasë, ish-komandanti Unprofor-it në Sarajevë, Luis Makenzi po merr pjesë në Panairin e Librit në Beograd për të promovuar librin e tij Paqeruajtësi: Rruga për në Sarajevë, i cili u shkrua 26 vjet më parë, transmeton Reporteri.net.
Në një intervistë për gazetën serbe Politika, ai përsërit pikëpamjet e tij, për të cilat shpesh u kritikua në vendin e tij.
Makenzi ishte komandant i Unprofor në Sarajevë nga viti 1992 deri në qershor të vitit 1993 kur autoritetet e Sarajevës kërkuan që ai të zëvendësohej.
“Ata prisnin që unë të pajtohesha me ta për të gjitha çështjet … Meqë mandati im nënkuptonte të isha i paanshëm dhe objektiv, ata ishin shumë të mërzitur me komentet e mia për çështje të veçanta,” thotë Makenzi.
Gjenerali kanadez, i cili pasi u tërhoq nga Sarajeva për një kohë në vitin 1997, ishte gjithashtu zv / kryeministër i Kanadasë, kundërshtoi bombardimin e NATO-s dhe kritikoi qeverinë e tij për njohjen e pavarësisë së Kosovës. /Reporteri.net