Ministri i jashtëm i Serbisë, Marko Gjuriq, ka kërkuar sot në Romë, në një panel të organizuar nga Instituti Italian për Çështje Ndërkombëtare, që dialogu Kosovë-Serbi të jetë lart në agjendën evropiane.

“Nevojitet mbështetja e bashkësisë ndërkombëtare në nivelin më të lartë kur është fjala për normalizimin e marrëdhënieve ndërmjet Beogradit dhe Prishtinës dhe zbatimin e marrëveshjeve të arritura në kuadër të dialogut të Brukselit”, ka thënë ai në këtë panel, siç njofton qeveria serbe.

Përmes një komunikate, ai është cituar të ketë thënë se kinse “Serbia gjithmonë do të jetë garantuese e paqes dhe stabilitetit në rajon”.

Minister of Foreign Affairs @markodjuric is on his first official visit to #Rome, where he met with the #Italian Deputy Prime Minister and Minister of Foreign Affairs and International Cooperation @Antonio_Tajani.
🇷🇸🤝🇮🇹 pic.twitter.com/1UU1OCQF7O

— MFA Serbia (@MFASerbia) July 23, 2024