Ministrja e Industrisë, Ndërmarrësisë dhe Tregtisë, Rozeta Hajdari, ka nënshkruar udhëzim administrativ për kriteret teknike për import, deponim, shitje me shumicë dhe kapicë të karburanteve të ripërtritshme të naftës dhe pastrimit të rezervuarëve.

“Përmes këtij udhëzimi administrativ përcaktohen kriteret teknike-teknologjike për subjektet që merren me import, deponim, shitje me shumicë, ose me pakicë të karburanteve të naftës dhe atyre të ripërtëritshme dhe import të lëndës së parë për prodhimin dhe përpunimin e produkteve të naftës si dhe pastrimin e rezervuarve. Ky udhëzim administrativ hynë në fuqi 7 ditë pas publikimit në gazetën zyrtare”, ka shkruar Hajdari në Facebook.