Policia e Kosovës ka raportuar se persona të panjohur kanë depërtuar në dy xhami në Prishtinë, ku edhe janë vjedhur arkat me para.
Sipas Policisë, rasti i parë ka ndodhur rreth orës 10:39, ku persona të panjohur me forcë kanë depërtuar në brendinë e objektit fetar (xhamisë) dhe nga aty kanë vjedhur arkën me para te gatshme. Rasti është duke u hetuar, transmeton Reporteri.net.
Kurse rasti tjetër ka ndodhur në orën 04:30, ku të dyshuar të panjohur kanë depërtuar me forcë brenda objektit fetar (xhamisë) dhe kanë vjedhur nga kasaforta, para të gatshme. Rasti është nën hetime, po ashtu.
Sidoqoftë, këto nuk janë rastet e vetme kur persona të dyshimtë vjedhin xhamitë. Jo më larg se disa muaj ishin publikuar pamjet kur vidheshin paratë në një xhami tjetër në Prishtinë.
Ndryshe, deri tani nuk ka njoftim nëse dikush është arrestuar për ndonjë rast të tillë./Reporteri.net
