Zëdhënësja e Lidhjes Demokratike të Kosovës, Sibel Halimi, ka thënë se, në Ditën Ndërkombëtare të Përdoruesve të Karrocës, kryeministri Kurti do të duhej të shpërfaqte ndonjë rezultat të qeverisjes së tij.

Halimi e pyeti Kurtin nëse është bërë ndonjë përmirësim për t’ua lehtësuar jetën dhe mbrojtur të drejtat e kësaj kategorie të shoqërisë, shkruan Gazeta Online Reporteri.net.

I ulur në karrocë, Kurti takohet me përfaqësuesit e Handikosit

Lexo edhe:

Mos-konstituimi i Kuvendit, Koci vazhdon protestën nesër, thotë se edhe do të flej para Kuvendit

Gjilanasi rrah nënën dhe motrën, dërgohet në mbajtje për 48 orë

Gjashtë raste të dhunës në familje, viktimë edhe një vajzë 6 vjeçare

Sipas saj, veprimi i Kurtit që sot në takim u ul në karrocë, si mënyrë për t’u solidarizuar me ata persona që përdorin karroca, është fushatë tallëse.

“Sot, në Ditën Ndërkombëtare të Përdoruesve të Karrocës, kryeministri i vendit do të duhej të postonte ndonjë rezultat të qeverisjes së tij. Diçka që e dallon nga të tjerët. A është bërë ndonjë hap në përmirësimin e të drejtave të kësaj kategorie të shoqërisë? A është eliminuar ndonjë pengesë? Fushata duke u ulur në karrocë është tallëse, kryeministër?!”, shkroi Halimi në Facebook. /Reporteri.net/.

Postimi i plotë: