Sot është hapur dega e Postës së Kosovës në veri të Mitrovicës, përkatësisht në sheshin sheshin ‘Car Llazar’.

Aty kanë marrë pjesë Ministrja e Ekonomisë, Artane Rizvanolli dhe Ministri i Administrimit të Pushtetit Lokal, Elbert Krasniqi.

Hapjen e filialit të postës në veri e kanë kundërshtuar disa pjesëtarë të komunitetit serbë atje të cilët kanë protestuar, shkruan gazeta online Reporteri.net.

Aty janë parë edhe forcat policore.

Zëdhënësi i policisë, Petrit Fejza ka thënë për gazetën online Reporteri.net se nuk ka pasur ndonjë incident dhe gjithçka ka shkuar në rregull.

“Kanë qenë 4 persona të cilët kanë protesruar, kanë përdor pipat për thurëm, mirëpo gjithçka tjetër ka shkuar në rregull”, ka thënë ai për Reporteri.net.