Kryeministri i Kosovës, Ramush Haradinaj, deklaroi sot se Qeveria është e përkushtuar për integrimin euroatlantik, bashkëpunimin rajonal dhe dialogun Kosovë – Serbi.

Gjatë takimit të rregullt me ambasadorin e Gjermanisë në Kosovë, Christian Heldt, kryeministri Haradinaj ka bërë të ditur se kanë diskutuar për zhvillimet e fundit në vend, bashkëpunimin bilateral dhe fuqizimin e partneritetit ekonomik mes dyja vendeve, shkruan Reporteri.net.

“Gjithashtu e falënderova në emër të Qeverisë së vendi për rolin konstruktiv të kancelares Merkel, veçmas tani në thirrjen e takimit të Berlinit, si forma më e mirë e komunikimit me vendet e rajonit”, shkruan Haradinaj në Facebook.

Kujtojmë se presidenti Thaçi takimin e Berlinit e ka quajtur një takim rutinë ku do të ketë një deklaratë gjithëpërfshirëse por asgjë konkrete, as dialog mes Kosovës e Serbisë, por asballafaqim kosovaro-serb.

Thaçi ka treguar kushtet që do t’ia paraqes kancelares Merkel dhe presidentit Macron.

Kujtojmë se Samiti i Berlinit do të mbahet me 29 prill. /Reporteri.net/.