Gjykata e Apelit, e ka refuzuar si të pa bazuar, ankesën e mbrojtësit të pandehurit R.Sh., kundër vendimit mbi caktimin e paraburgimit prej një muaji.

Aktvendimi i datës  24 maj, i nxjerrë nga Gjykata Themelore në Prizren, sipas të cilit kjo masë do t’i zgjas deri më 23 qershor 2019, mbetet në fuqi.

R.Sh. po dyshohet se ka kryer veprën penale “Krime lufte kundër popullsisë civile”.

Gjykata e Apelit, ashtu sikurse gjykata e shkalles së parë, vlerëson se ka bazë të mjaftueshme ligjore për caktimin e masës së paraburgimit ndaj tij,  në përputhje më dispozitat e  Kodit të Procedurës Penale të Republikës së Kosovës, ngase ekziston rreziku se  mund të ik, apo arratiset për t’iu shmangur përgjegjësisë penale.