I nominuari për kryeministër të Kosovës, Avdullah Hoti, ka thënë se vdekja tragjike e të riut të sapokthyer nga Gjermania është një dhimbje e madhe për familjen e tij dhe për secilin qytetar.

Ai ka thënë se megjithëse karantinimi po përdoret për të parandaluar përhapjen e koronavirusit, kjo nuk përligj gabimet e mundshme dhe joprofesionalizmin.

Përmes një statusi në Facebook, Hoti ka bërë thirrje për durim, në mënyrë që të zbardhen rrethanat e këtij rasti tragjik.

Postimi i Hotit:

Perfundimi tragjik i nje te riu, i sapo kthyer nga studimet ne Gjermani, eshte dhembje e madhe per familjen dhe per secilin prej nesh. Si qytetar dhe si prind, i shpreh ngushellime familjes se te ndjerit, atyre qe e kane njohur dhe qytetareve te Gjilanit.

Ne keto momente duhet te jemi te kujdesshem e te durueshem ne kerkim te pergjigjes se si na ndodhi e gjithe kjo. Karantinimi eshte perdorur dhe po perdoret per te parandaluar shperndarjen e virusit. Por, pa dashur te paragjykoj asgje, kjo nuk perligj gabimet e mundeshme, neglizhencen e jo profesionalizmin.

Te gjithe jemi te zemruar, por zemerimi nuk na ndihmon ta gjejme te verteten. Na duhet durim dhe veprim profesional e gjitheperfshires i organeve te ligjit per te zbardhur rastin dhe per te qene te pergjegjshem para familjes se te ndjerit.