Drejtori i Inspeksionit në Komunën e Mitrovicës, Hysni Ahmeti në bashkëpunim me Policinë e Kosovës mbrëmë kanë kryer kontrolle inspektuese sipas detyrës zyrtare në shtatë subjekte afariste në rajonin e qytetit të Mitrovicës, shkruan Reporteri.net
Përmes një njoftmi në Facebook thuhet se qëllimi i këtyre inspektimeve ka të bëjë me respektimin e orarit të punës nga bizneset e përfshira në këtë kontroll të cilat zhvillojnë veprimtaritë e tyre pas orës 23:00.
Komuna e Mitrovocës ka njoftuar se gjatë këtij aksioni janë inspektuar gjithsej shtatë subjekte afariste, ku pas inspektimit u konstatua se dy prej tyre nuk e kanë respektuar Rregulloren Komunale Nr. 03/2014 për caktim të orarit të punës për subjektet afariste.
Ndërkaq Inspektorati i Tregut dhe ai Sanitar kanë marrë masa konform ligjeve në fuqi dhe kanë ndaluar përkohësisht zhvillimin e veprimtarive të këtyre subjekteve deri në eliminimin e parregullsive.