×
  • Lajme
  • Lajme / Dorëzon dorëheqjen te Trendafilova

    Jep dorëheqje gjyqtari i Gjykatës Speciale, Nicolas Guillou

    Reporteri
    06 Qershor 2024 | 11:04

    Gjyqtari i Dhomave të Specializuara, Nicolas Guillou, ka dorëzuar sot dorëheqjen e tij tek kryetarja e Gjykatës, Ekaterina Trendafilova, transmeton Reporteri.net.

    Lajmin e ka konfirmuar Gjykata Speciale përmes një njoftimi për media, duke treguar se Guillou ka marrë një pozitë të re në Gjykatën Ndërkombëtare Penale.

    “Më 6 qershor 2024, gjyqtari Nicolas Guillou i dorëzoi Presidentes Ekaterina Trendafilova dorëheqjen e tij si gjyqtar në listën e gjyqtarëve ndërkombëtarë të Dhomave të Specializuara të Kosovës (DHK). Dorëheqja e gjyqtarit Guillou vjen pas zgjedhjes së tij si gjyqtar i Gjykatës Ndërkombëtare Penale dhe marrjes së detyrave të tij atje.

    Presidentja Trendafilova e përgëzoi gjyqtarin Guillou për zgjedhjen e tij dhe shprehu vlerësimin e saj të sinqertë për kontributin e tij të jashtëzakonshëm në mandatin e KSK-së përmes, ndër të tjera, punës së tij si Gjyqtar Paragjyqësor dhe Gjyqtar i vetëm”, thuhet në njoftim.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!