Deputeti shqiptar në Parlamentin e Serbisë, Shaip Kamberi ka folur për problemet me të cilat po përballën shqiptarët në Luginën e Preshevës, ku ka shfaqur shpresën që institucionet e reja të Kosovës do të kenë program të saktë për ndihmë ndaj shqiptarëve atje.
Kamberi ka folur edhe për hapjen e Zyrës së Kosovës në Preshevë, duke thënë se ende nuk dihet funksioni i saj, buxheti, detyrat.
“Shpresoj që Qeveria e re të këtë një program të qartë për ndihmë të përhershme për Luginën e Preshevës”, ka thënë Kamberi.
Ai ka theksuar se çështja e Luginës së Preshevës duhet të jetë njëra nga temat kryesore të dialogut ndërmjet Kosovës dhe Serbisë.
“Në dialogun me Serbinë kërkojmë që të drejtat e shqiptarëve të Luginës të jetë barabarta me të drejtat e serbëve në Kosovë”, ka thënë Kamberi në “Debat”.
Sipas tij, shqiptarët e Luginës së Preshevës asnjëherë nuk janë munduar të imponojnë agjendën e Republikës së Kosovës në bisedime, por kërkojnë që pozita e rëndë e shqiptarëve në Serbi të trajtohet sa më parë.
“Ne duam vendosjen e parimit të reciprocitetit për të drejtat e njëjta në Luginë për shqiptarët, si për serbët në Kosovë”, ka thënë Kamberi.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.