×
  • Lajme
  • Lajme

    Kaq vota i mori Mërgim Lushtaku në Drenicë

    Reporteri
    23 Shkurt 2021 | 13:08

    Mërgim Lushtaku, djali i Sami Lushtakut ka arritur që të grumbullojë mbi 8 mijë vota në Drenas e Skenderaj.


    Djali i kryetarit të Degës së PDK’së në Skenderaj, arriti që vetëm në këtë qytet të marr 6 mijë e 169 vota, nga numërimi i votave në 74 vendvotime.

    Lushtaku vota arriti të marr edhe në vendlindjen e babait, pra në Prekaz.

    Nga 438 vota sa mori Partia Demokratike e Kosovës, Lushtaku në vendlindje grumbulloi gjithsej 274 vota.

    Në ndërkohë në Drenas, Mërgim Lushtaku nga numërimi i votave në 70 vendvotime, doli se 2 mijë e 227 qytetarë ia besuan votën e tyre atij, shkruan express.

    Në total në Drenas e Skenderaj, Mërgim Lushtaku arriti të marr 8 mijë e 396 vota.

    Lushtaku është në mesin e kandidatëve nga Partia Demokratike e Kosovës që kanë arritur që të marrin vota të mjaftueshme për të qenë pjesë e Kuvendit të Kosovës.

    Këto shifra janë nxjerrë nga numërimi i votave në fletëvotimet e publikuara nga Komisioni Qendror i Zgjedhjeve.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!