Ministri në detyrë i Punëve të Jashtme, Glauk Konjufca, tha se Vetëvendosje i ka gjetur ndërmarrjet publike të degraduara e pranë kollapsit, e krejt kjo pasi partitë politike nga qeveritë e kaluara i përdorën për zhvatje.

“Vetëvendosje gjeti ndërmarrjet publike pranë kollapsit, degradim i ndërmarrjeve publike, duke filluar prej Telekomit e deri te KEK-u, këto ndërmarrje janë shfrytëzuar prej partive politike të cilat e kanë përdorur për zhvatje. Syrin e kanë pasur për tendere, tenderat në KEK janë 7 shifror”, u shpreh Konjufca.

Ai më tutje tha se qeveria e kaluar me kryeministrin Ramush Haradinaj u treguan të pangopshëm duke e rritur pagën e tyre.

“Pangopësia nga qeveria e kaluar, me kryeministrin e kaluar ishte ekstreme, pagat e tyre nuk mund të haseshin askund në rajon. Ne zvogluam pagat në institucione, ulëm numrin e ministrive. Kjo ka qenë një reformë e duhur dhe kjo duhet të bëhet trashëgimi, dhe jo të ja rrisin pagën vetes kushdo që vjen në qeveri”, tha ai në Interaktiv.