Kryetari i Partisë Demokratike të Kosovës, Memli Krasniqi, pas takimit me ambasadorin britanik në Kosovë, Jonathan Hargreaves, ka thënë se kanë zhvilluar diskutim miqësor mbi zhvillimet e fundit në vend, përfshirë këtu zgjedhjet paralamentare.

Njëherit, Krasniqi është shprehur mirënjohës ndaj mbështetjes së vazhdueshme të Mbretërisë së Bashkuar, teksa ka theksuar se forcimi i marrëdhënieve, ka rëndësi të veçantë, raporton Gazeta Online Reporteri.net.

“Sot, gjatë takimit me Ambasadorin e Mbretërisë së Bashkuar në Kosovë, Jonathan Hargreaves, në selinë e Partisë Demokratike të Kosovës, së bashku me kandidatin tonë për Kryeministër, Bedri Hamza, zhvilluam një diskutim miqësor mbi zhvillimet e fundit politike në vend, për përgatitjet për zgjedhjet parlamentare dhe vizionin tonë për të ardhmen e Kosovës. Ambasadorit Hargreaves i shprehëm mirënjohjen tonë për mbështetjen e palëkundur të Mbretërisë së Bashkuar ndaj Kosovës, duke theksuar se forcimi i mëtejshëm i marrëdhënieve miqësore midis dy vendeve tona është me rëndësi të veçantë”, ka shkruar Krasniqi në Facebook.

Lidhur me këtë takim, përmes një postimi, detaje ka dhënë edhe vetë ambasadori britanik, i cili ka shkruar se kanë diskutuar për zhvillimet e fundit dhe planet për zgjedhjet parlamentare.

/Reporteri.net/.