Sot në Kosovë do të vijë Zëvendëskryeministri, njëherit ministri i Punëve të Jashtme të Luksemburgut, Xavier Bettel.
Ai do të takohet me presidenten Vjosa Osmani, zëvendëskryeministrin Besnik Bislimi e ministren e Punëve të Jashtme, Donika Gërvalla, shkruan Reporteri.net.
Takimin e parë do ta zhvillojë me Gërvallën.
“Zëvendëskryeministrja dhe Ministrja e Punëve të Jashtme dhe Diasporës, znj. Donika Gërvalla, pret në takim Ministrin e Punëve të Jashtme të Luksemburgut, z. Xavier Bettel. Datë: 4 shtator 2024 Ora: 12:40”, thuhet në njoftimin e MPJ-së.
Më pas do të takohet me zv.kryeministrin Bislimi, me të cilin do të mbajnë edhe një konferencë për media.
Takimi do të nisë në ora 13:55, ndërsa konferenca në 15:00.
Më pas në ora 15:20 do të takohet me presidenten Osmani.
“Në orën 15:20, Presidentja e Republikës së Kosovës, Vjosa Osmani pret në takim Zëvendëskryeministrin, njëherit edhe Ministër i Punëve të Jashtme dhe Tregtisë i Luksemburgut, Xavier Bettel”, ka njoftuar Presidenca. /Reporteri.net./.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
