Pasi u bë virale deklarata e zv.kryeministrit Driton Selamanaj se kryeministri Avdullah Hoti e merr bukën në zyrë dhe e lutë për ta ngrënë bashkë, ky i fundit e ka publikuar një foto të Selamanajt duke shërbyer sendviq, shkruan Reporteri.net.

Pas një vizite që kryeministri i ka bërë një bari në Prishtinë, kryeministri e ka publikuar në Facebook një fotografi ku shihet zëvendësi i tij duke e shërbyer sendviq.

“Sot e vizituam një prej bareve të Prishtinës, që është shembull i respektimit të masave kundër #COVID19. Nga sot, kemi filluar të goditemi edhe më shumë nga vala e dytë e pandemisë dhe gastronomia mbetet një prej sektorëve që kërkon shumë më shumë vëmendje, sidomos për shkak të ndikimit që ka në ekonominë e vendit”, ka shkruar Hoti.

Ai u ka bërë thirrje të gjithë gastronomëve që t’i respektojnë në përpikëri masat, sepse një mbyllje tjetër për gastronominë do të linte pasoja shumë të mëdha në ekonominë e vendit.