×
  • Lajme
  • Lajme

    Kryesia e PDK-së: Komisioni Hetimor do të zbardhë çdo keqpërdorim gjatë krizës energjetike

    Reporteri
    11 Maj 2022 | 16:58

    Anëtarët e Kryesisë së PDK-së e vlerësuan të drejtë dhe të domosdoshëm vendimin e Kuvendit të Kosovës për formimin e Komisionit Hetimor Parlamentar për menaxhimin e krizës së energjisë që ishte propozim i Grupit Parlamentar të PDK-së i mbështetur edhe nga deputetë të partive tjera të opozitës.

    “PDK si lidere e opozitës po luan rolin e saj demokratik në mbikëqyrjen e punës së qeverisë dhe puna e Komisionit Hetimor Parlamentar do të zbardhë çdo keqpërdorim dhe keqmenaxhim të Qeverisë dhe institucioneve tjera gjatë krizës energjetike, ku qytetarët e Kosovës po vazhdojnë të paguajnë faturat e energjisë me rritje të çmimit mbi 100 përqind”, thuhet në njoftimin e PDK-së.

    Kryesia e PDK-së ka vendosur që të caktojë udhëheqësinë e përkohshme në Degën e PDK-së në Istog me kryetar Ali Nimanaj si dhe në Obiliq me kryetare Enisë Haliti, të cilët bashkë me anëtarët e rinj të kryesive të degëve përkatëse kanë përgjegjësi të konsolidojnë të gjitha strukturat e degëve deri në mbajtjen e zgjedhjeve të rregullta në PDK.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!