×
  • Lajme
  • Lajme

    Kurti falënderon deputetët për miratimin e rezolutës kundër referendumit serb: Nuk do t’i shkelim parimet tona

    Reporteri
    15 Janar 2022 | 18:01

    Kryeministri i vendit Albin Kurti ka falënderuar deputetët e Kuvendit të Kosovës për miratimin e rezolutës kundër referendumit serb në territorin e Kosovës.

    Në një postim në Facebook, Kurti ka thënë se qëndimi i institucioneve të Kosovës është qëndrim parimor dhe në mbrojtje të ligjshmërisë së vendit.

    Ai ka shtuar se nuk do t’i shkelin parimet e tyre, përcjell Gazeta Online Reporteri.net.

    “Qëndrimi i institucioneve të Republikës së Kosovës është qëndrim parimor, në mbrojtje të kushtetueshmërisë dhe ligjshmërisë në vendin tonë. Ne nuk do t’i shkelim parimet tona. Praktikat e dëmshme ndryshohen, e ligji do të respektohet. Kosova është shtet sovran dhe i pavarur, ashtu duhet edhe të trajtohet”, ka shkruar kreu i Ekzekutivit në Facebook.

    Kuvendi i Kosovës ka miratuar rezolutën kundër organizimit të referendumit serb në Kosovë.

    Për miratimin e kësaj rezolute kanë qenë 76 vota për, asnjë kundër dhe një abstenim.

    Kjo rezolutë përmban gjithsej 8 pika. /Reporteri.net/

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!