Kryeministri Albin Kurti, ka thënë se është i gatshëm të bashkëpunojë me liderët e opozitës për politikën e jashtme, me theks të veçantë për dialogun Kosovë-Serbi.

Kurti tha se pjesa më e madhe e punës së tij është në zhbërjen e dëmit, që sipas tij, i ka shkaktuar opozita, si fusnota e asociacioni.

“Pjesa më e madhe e punës dhe energjisë time është në zhbërjen e dëmit që e keni shkaktuar ju, si asociacioni, fusnota, hapja e çështjes së statusit, kërcënimet për ndryshime territoriale. Nëse i keni rënë pishman për shumë marrëveshje, e me sa ju kam dëgjuar shpresoj që po, ejani të punojmë së bashku që t’i përmirësojmë”, tha Kurti në seancë.

“Tash kemi Qeveri e cila nuk sjell marrëveshje të dëmshme por është e angazhuar në zhbërjen e tyre, karshi Serbisë duhet të jemi të bashkuar në parim dhe qëndrim”, përfundoi kreu i ekzekutivit.