Kryeministri i Republikës së Kosovës, Albin Kurti ka shprehur edhe një herë përkrahjen e tij ndaj ekipit olimpik të Kosovës që do të jetë pjesë e Lojërave Olimpike “Parisi 2024”.
Ai ka shpërndarë një video në rrjetin social “Instagram”, duke thënë se e gjithë bota i kishte sytë kah Kosova në momentet e parakalimit të ekipit olimpik mbi lumin Sena në Paris.
“Mespërmes lumit Sena, para syve të gjithë botës, të gatshëm e krenarë – Nëntë sportistëve tanë, u urojmë shumë suksese e fat në disiplinat e tyre”, thuhet në postimin e kryeministrit Kurti.
Kosova sot e nis aventurën në Olimpiadë me paraqitjen e boksieres, Donjeta Sadikut.
Kosova këtë vit përfaqësohet me nëntë sportistë: pesë xhudistë, një boksiere, një sportiste në atletik dhe dy notarë.
Lojërat Olimpike Parisi do të përfundojnë më 11 gusht. /Reporteri.net/.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.