Kryetari i Vetëvendosjes dhe fituesi i zgjedhjeve të 14 shkurtit, Albin Kurti, ka shpalosur disa detaje rreth takimit të tij me të Dërguarin Special të Bashkimit Evropian për Dialogun Kosovë-Serbi, Mirosllav Lajcak.

Kurti ka thënë se ka kërkuar një bashkëpunim të SHBA-së dhe BE-së për këtë dialog teksa ka thënë se dialogu duhet të jetë i përgatitur mirë dhe me principe.

Sipas tij dialogu duhet të jetë “transatlantik”.

“Mbrëmë mirëprita Mirosllav Lajcakun, të Dërguarin Special të BE-së për Dialogun Kosovë-Serbi, në zyrat e VV-së”, shkroi ai.

“Ai i përcolli urimet e tij më të mira qeverisë në ardhje dhe unë e informova atë për përparësitë tona kryesore që janë vendet e punës dhe drejtësia”, shtoi ai.

Sa i përket dialogut, Kurti bëri të ditur se ai është shumë i rëndësishëm.

“Ne të dy ranë dakord që dialogu është i rëndësishëm dhe duhet të jetë i përgatitur mirë dhe parimor. Duhet të jetë transformues dhe transparent, në mënyrë që qytetarët të jenë përfituesit, dhe duhet të jetë transatlantik – i koordinuar mirë ndërmjet SHBA-së dhe BE-së”

Ndryshe, lideri i VV-së ka bërë të ditur kohë më parë se dialogu nuk do të jetë prioritet i tij.

Last night I welcomed @MiroslavLajcak EUSR for Kosova-Serbia dialogue @LVetevendosje offices.
He conveyed his best wishes to the incoming government and I informed him about our top priorities of jobs and justice. pic.twitter.com/6Pc1JNVZrW

— Albin Kurti (@albinkurti) March 2, 2021