Kreu i Lëvizjes Vetëvendosjes, Albin Kurti, shprehet se është kundër iniciativës së bashkëpunimit rajonal të Shengenit Ballkanik në këtë formë që po krijohet.

Kurti ka deklaruar se takimi i Ohrit ishte i parakohshëm për sa kohë Kosova e Serbia kanë ende pa zgjidhur shumë probleme bilaterale.

Ai ka thënë se Serbia e do një platformë për ta rritur vetën.

“Vuçiç i përket asaj klike që erdhi në pushtet pas Milloshevicit, që të jetë më ekstrem se ai dhe nuk kam dyshim që synon Jugosllavinë e katërt me synim zgjerimin e saj”, ka deklaruar Kurti në një intervistë për Report TV, shkruan Reporteri.net.

Ai më tej ka thënë se nuk beson se Kosova dhe Shqipëria do të bashkohen nëse këtë e shohin përmes platformave rajonale.