×
  • Lajme
  • Lajme

    Lajçak ‘zbarkon’ në Maqedoni të Veriut, takon nikoqirin e takimit Kurti-Vuçiq

    Reporteri
    17 Mars 2023 | 20:35

    Ndërmjetësuesi i BE-së në dialogun Kosovë-Serbi, Miroslav Lajçak, ka arritur në Maqedoni të Veriut, aty ku do të zhvillohet takimi i kryeministrit Kurti me presidentin Vuçiq.

    Me të arritur aty, Lajçak ka takuar nikoqirin e takimit dypalësh për dialogun Kosovë-Serbi, presidentin maqedonas, Stevo Pendarovski, njofton gazeta online Reporteri.net.

    Emisari evropian u shpreh falënderues ndaj tij për pritjen, derisa të njëjtin e ka njoftuar për pritjet që ka nga takimi i nesërm.

    “Përpara takimit të nesërm të nivelit të lartë të Dialogut, u takova me Presidentin @SPendarovski për ta informuar atë për shkallën e zhvillimeve në Dialog dhe pritshmëritë. Faleminderit për mikpritjen e Maqedonisë së Veriut”, shkroi Lajçak në Twitter.

    Pos Lajçakut, pjesëmarrës të takimit do të jenë edhe Përfaqësuesi i Lartë i BE-së, Josep Borrell. Ndërsa nga ShBA, takimin do ta vëzhgojë I dërguari i Posaçëm për Ballkanin Perëndimor, Gabriel Escobar.

    Takimet pritet të fillojnë prej orës 10:00 të mëngjesit. /Reporteri.net/.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2023. Të gjitha të drejtat e rezervuara.

    Linku i lajmit u kopjua!