Kryesia e LDK-së, në selinë qendrore të kësaj partie në Prishtinë është mbledhur sot për të diskutuar rreth takimit të radhës që kjo parti pritet ta zhvillojë me Vetëvendosjen.

U tha se në këtë mbledhje do të merret vendimi për ekipet punuese  që do të formojë LDK- për të diskutuar  rreth koalicionit të mundshëm me VV-në, mirëpo zëdhënësi i LDK-së, Besian Mustafa ka thënë se për këtë do të presin rezultatet përfundimtare të KQZ-së, shkruan Reporteri.net.

Ai ka konfirmuar se të gjitha vendimet do ti marrin pas certifikimit të rezultateve të KQZ-së dhe se atëherë do të zhvillohet takimi i radhës me Vetëvendosjen.

“Pavarësisht se kush del partia e parë ne do ta respektojmë vullnetin e votuesve.  Pasi kemi një rezultat shumë të ngushtë do të presim rezultatin final nga KQZ-ja për të diskutuar një koalicion të mundshëm. Të gjitha zhvillimet e mundshme do ti bëjmë kur të certifikohen rezultatet. Atëherë do të jetë edhe takimi i radhës me VV-në. Të gjitha zhvillimet e negociatave do i bëjmë në momentin kur të certifikohen rezultatet”, ka thënë Mustafa./Reporteri.net