Deputeti i LDK-së, Lumir Abdixhiku në fjalimin e tij në seancën plenare i ka thënë kandidatit për kryeministër, Albin Kurti, se nga nesër nuk është përfaqësues partiak, por është kryeministër i Republikës së Kosovës dhe si i tillë duhet të sillet me dinjitet.

“Kryeministri i ri duhet t’i kujtojë vetes se çdo çdo refuzim konsensusi na shpie te polarizimi i shoqërisë. Si përfaqësues i shumicës të bartni barrën e pajtimit shoqëror”, tha Abdixhiku, shkruan Reporteri.net.

AI më tej tha se nga Kurti pret që të zgjedh problemet me të cilat ballafaqohet vendi.

“I presim zgjidhjen e problemeve, jo menjëherë natyrisht, do t’i keni muajin e mjaltit, por presim zgjidhjen e problemeve, për punësim, rend e ligj, liberalizim, shëndetësi, integrim, njohje për të gjitha rezolutat e ngritura nga ju, mbi të gjitha zgjidhje për stabilitet politik”, tha Abdixhiku. /Reporteri.net/.