“Ky regjim mbështetjen e votuesve e mori me ‘nuk do ta japim Kosovën’ ndërsa mbështetjen e Perëndimit me ‘do ta njohim Kosovën’”, ka thënë kryetari i Partisë Demokratike, Zoran Lutovac, në një konferencë për shtyp para seancës parlamentare  ku do të raportohet për dialogun mes Kosovës dhe Serbisë nga Aleksandër Vuçiç, transmeton gazeta online Reporteri.net.

Siç pretendon politikani serb, Zoran Lutovac, presidenti serb po kryen atë çfarë u ka premtuar Perëndimit. “Ua ka dorëzuar institucionet e pjesës veriore të Kosovës, dhe popullin e tij e integroi në institucionet e Kosovës”, ka thënë ai, raportoi e përditshmja serbe “Danas”, përcjell Reporteri.net.

“[Aleksandër Vuçiç] njohu pavarësinë e Kosovës, ai thjesht nuk e pranon që e ka njohur”, u shpreh mes tjerash politikani serb.

Ai shtoi se Vuçiç po kërkon nga të gjithë deputetët mbështetje për “zgjidhje kompromisi”, ndërsa, siç tha Lutovac, “ai as vet nuk e di se çfarë është kompromisi, e as çfarë përmban ajo”.

Opozita serbe nuk ia pranon raportin Vuçiçit për dialogun Kosovë-Serbi, ky i fundit ua miraton dy kërkesa

Seancën rreth Kosovës, Lutovac e quajit mundësi për të parë qasjen e ndryshme ndaj koncensusit shoqëror serb.

“Nëse nuk respektojmë qytetarët tonë, Kushtetutën dhe ligjet, jemi një shtet banane dhe nga ne do të kërkojnë gjëra që as nuk do t’u shkonte ndërmend t’u kërkonin shteteve të organizuara demokratikisht”, ka thënë Zoran Lutovac.

Stefanoviç thotë se nuk ia votojnë Petkoviçit raportin për dialogun: “Është mbulesë e Vuçiçit”