Prokuroria Themelore e Prishtinës i ka mbyllur hetimet për vdekjet e dyshimta në Klinikën Infektive të QKUK-së.

Prokuroria ka konfirmuar se nga  raportet e autopsisë, gjashtë vdekjet kanë rezultuar se kanë qenë vdekje të natyrshme.

“Ju njoftojmë se Prokuroria Themelore në Prishtinë-Departamenti i Krimeve të Rënda, pas zhvillimit të hetimeve dhe trajtimit të rastit në fjalë, më 11.10.2021, e ka mbyllur këtë rast. Nga raportet e autopsisë, gjashtë vdekjet e dyshimta kanë rezultuar se kanë qenë vdekje të natyrshme dhe të njëjtit kanë qenë të infektuar me COVID-19“, ka thënë zëdhënësja Laureta Ulaj.

Kujtojmë se më 5 korrik 2020 në QKUK kishin ndërruar jetë gjashtë persona nga coronavirusi, ku edhe ishin ngritur dyshimet për natyrën e vdekjes së këtyre pacientëve.