U.d. e shefes së GP të Vetëvendosjes, Mimoza Kusari-Lila, ka folur pasi homologu i saj në PDK, Abelard Tahiri tha se lëshuan mbledhjen e Kryesisë së Kuvendi shkaku i ofendimeve që ‘Kusari ua bëri atyre në mbledhje’.

Ajo tha se komenti i saj ka bërë që dy përfaqësuesit e PDK-së të ngritën dhe të dalin nga mbledhja.

“Gjatë diskutimit të sotëm në raport me zhvillimet e seancës së kaluar, kam kërkuar nga përfaqësuesit e PDK-së që kur u përmendën zhvillimet e asaj dite, të kenë kujdes dhe të mos përsëriten ku jemi ofenduar. Komentet dhe agresiviteti në dalje i PDK-së karshi ministres së jashtme, ka qenë jashtë çdo praktike parlamentare. Ky koment i imi në mbledhjen e kryesisë, ka bërë që dy përfaqësuesit e PDK-së të ngritën dhe të dalin nga mbledhja”, tha Kusari-Lila.