Ministri i Punëve të Brendshme, Xhelal Sveçla ka vizituar sot gjatë ditës pikën kufitare në Bërnjak dhe në stacionin policor të policisë kufitare në Jasenovik, shkruan Gazeta Online Reporteri.net.

Sveçla përmes një postimi të bërë në Facebook ka thënë se Policia e Kosovës është duke përmbushur me përkushtim detyrat e saj, për të siguruar ambient të qetë për të gjithë qytetarët.

“Policia e Kosovës është e të gjithë qytetarëve të Republikës së Kosovës. Si e tillë, ajo do të vazhdojë të kryejë misionin e saj me gatishmëri të plotë në shërbim të të gjithë qytetarëve tanë pa asnjë dallim”, ka shkruar mes tjerash Ministri i Punëve të Brendshme, Xhelal Sveçla.

Postimi i plotë:

Sot isha për vizitë në pikën kufitare në Bërnjak, në stacionin policor të kufirit në Bërnjak dhe në stacionin policor të policisë kufitare në Jasenovik.

Gjithë pjesëtarët e Policisë së Kosovës me përkushtim janë duke përmbushur detyrat e tyre zyrtare duke siguruar ambient të qetë dhe shërbime për të gjithë qytetarët, si në pikat kufitare ashtu edhe brenda gjithë territorit të Republikës së Kosovës.

Policia e Kosovës është e të gjithë qytetarëve të Republikës së Kosovës. Si e tillë, ajo do të vazhdojë të kryejë misionin e saj me gatishmëri të plotë në shërbim të të gjithë qytetarëve tanë pa asnjë dallim.