Komandanti i KFOR-it, Ozkan Ulutash, është takuar sot me ministrin e Punëve të Jashtme të Turqisë, Hakan Fidan.

Bëhet e ditur se Ulutash dhe Fidan ndër të tjera folën për situatën e sigurisë në Kosovë por edhe për aktivitetet e KFOR-it.

“Ata shkëmbyen mendime mbi zhvillimet e fundit të sigurisë, duke përfshirë aktivitetet e KFOR-it nën mandatin e tij të OKB-së. Gjeneralmajor Özkan Ulutaş theksoi kontributin e gjatë të Turqisë për KFOR-in dhe për stabilitetin rajonal”, thuhet në njoftim.

Përveç Ulutashit, ministri turk deri më tani u takua edhe me presidenten e vendit, Vjosa Osmani dhe ministren e Punëve të Jashtme, Donika Gërvalla.