Ministria e Jashtme e Gjermanisë ka reaguar lidhur me vizitën e të Dërguarit të Posaçëm të Gjermanisë për Ballkanin Perëndimor, Manuel Sarrazin, në Kosovë, raporton Gazeta Online Reporteri.net.

Përmes një postimi në platformën X, zyra e shtypit të Ministrisë së Jashtme gjermane ka thënë se  zgjerimi i BE është një imperativ gjeopolitik.

Prandaj thekson se vizita e Sarazin në Kosovë është pjesë e përgatitjeve të Procesit të Berlinit për integrimin e rajonit drejt BE-së.

“Zgjerimi i BE-së është një imperativ gjeopolitik, veçanërisht në lidhje me integrimin e vendeve të Ballkanit Perëndimor. Si pjesë e përgatitjeve për samitin e Procesit të Berlinit në tetor, Manuel Sarrazin po zhvillon sërish bisedime në rajon”, thuhet në reagim.

EU enlargement is a geopolitical imperative, especially regarding the integration of the Western Balkan countries. As part of the preparations for the #BerlinProcess summit in October, @ManuelSarrazin is again holding talks in the region. https://t.co/vJVoODRxKQ

— GermanForeignOffice (@GermanyDiplo) August 30, 2024

Ministria e Jashtme ka ripostuar dhe mesazhin e Sarrazin pas takimit me kryeministrin e vendit, Albin Kurti, ku ai shprehet se rajoni ka nevojë për lajme të mira, për ta çuar në BE përmes Procesit të Berlinit

“Përpjekje të palodhshme për të sjellë rezultate të mëdha së bashku me 6 vendet e Ballkanit Perëndimor për qytetarët në rajon në Samitin e Procesit të Berlinit në tetor. Rajoni ka nevojë për lajme të mira tani. Të shqetësuar, se nuk jemi ende atje. Ne kemi nevojë për Procesin e Berlinit për ta çuar rajonin drejt BE-së”, shkroi Sarrazin.