Deklarata e Kryeministrit Kurti se në vitet e fundit është rritur punësimi për 20 për qind në Kosovë, ka shkaktuar përplasje mes Ministrit të Financave, Hekuran Muratit dhe deputetes nga radhët e LDK-së, Hykmete Bajramit. Kjo e fundit në reagimin e saj sot tha se papunësia është ulur jo për arsye se ka lulëzu ekonomia, por sepse fuqia punëtore ka ikë nga Kosova, shkruan Gazeta Online Reporteri.net.

“E di që e ke ushqim për militanta, por nuk u durova pa reagu. Gjithashtu e di që pak merr vesh nga ekonomia, por edhe këtu kemi të bëjmë më numra, e numrat kurqysh s’po qojnë të ”lulëzimi i punësimit” siç paske deklaru sot”, thuhet mes tjerash në reagimin e Bajramit ndaj Kryeministrit Kurti.

Bajrami i reagon me shifra Kurtit: S’ka lulëzim të punësimit, e ke ushqim për militantë

Lexo edhe:

Haradinaj takohet me Rohden, diskutojnë për zgjidhjen e bllokadës institucionale

Digjet një banesë te “Te Qafa”, pamje nga vendi i ngjarjes

Çitaku: Krimi në sektorin e energjisë në përmasa galopante, kupola e VV-së vendos në grupe të WhatsApp-it

Ndaj asaj se çfarë ka thënë Bajrami, ka reaguar Ministri i Financave, Hekuran Murati i cili ka thënë se me të dhënat që Bajrami ka ofruar ka “shpërfaqur mungesën e njohurive për temën në fjalë”.

Sipas Muratit, edhe me shifrat e deputetes është konfirmuar ajo çfarë ka deklaruar Kryeministri sot në mëngjes.

“Prandaj, edhe me shifrat e deputetes Bajrami, vetëm sa konfirmohet ajo çfarë ka thënë Kryeministri Kurti. Për fund, është për keqardhje që deputetë që mbulojnë fushën e ekonomisë, e madje edhe ligjërojnë në universitet, kanë njohuri kaq të cekëta për fushën”, ka shkruar Murati në Facebook.

Por, ndaj Muratit ka reaguar sërish deputetja e LDK-së.

Bajrami ka publikuar disa të dhëna që thotë se janë vende pune të qëndrueshme e që për 12 muaj kanë paguar kontribute në Trust, e që siç thotë ajo janë të dhënat e vetme të sakta, të tjerat janë mashtrime.

Madje ajo i është drejtuar Ministrit Murati duke i thënë se s’është përgjigjur në pyetjet që i kishte parashtruar Kurtit në postimin paraprak.

“Mjaft manipulove minister”, përfundon postimin e saj deputetja e LDK-së.

/Reporteri.net/