Shiu dhe breshëri i fundit shkaktoi shumë dëme në qytetin e Rahovecit, pasi la pas shumë dëme në bujqësi.
Gjendja e krijuar së fundmi është bërë shkas që Bajram Mjeku, ish-zëdhënës i komunës së Prishtinës t’i kujton një fakt që thotë se e bën të ndjehet mirë.
Ai përmes një postimi në Facebook thotë se Rahoveci është i vetmi qytet i Kosovës, në të cilin nuk sheh asnjë njeri duke kërkuar lëmoshë, shkruan Reporteri.net.
Mjeku pohon se kjo ndodh për faktin se rahovecjanët janë shumë punëtorë e humanistë, njerëz të urtë dhe të mirë.
Postimi i plotë i Mjekut:
Breshëri i fundit, i cili dëmtoi prodhimet bujqësore në komunën e Rahovecit më kujtoi një fakt, i cili gjithmonë më bën të ndjehem mirë.
Rahoveci është i vetmi qytet i Kosovës, në të cilin nuk sheh asnjë njeri duke kërkuar lëmoshë. Ndodh kështu për faktin se rahovecjanët janë shumë punëtorë e humanistë, njerëz të urtë dhe të mirë.
E rahovecjanët, të cilët dalin për të punuar pa çelë agu në vreshtat e tyre dhe kthehen në shtëpitë e tyre me terrin e parë, nuk mendojnë asnjëherë për gjëra të këqija, sepse vetëm njerëzit punëtorë i bëjnë punët e tyre dhe nuk merren kot me punët e të tjerëve.
Prandaj në Rahovec nuk sheh njerëz duke kërkuar lëmoshë, sepse ndihmojnë njëri-tjetrin derisa janë shumë të dashur e punëtorë. /Reporteri.net/.