Partia Socialdemokrate e Dardan Molliqaj ka kritikuar Qeverinë Kurti lidhur me shtesat për pensionet.

Zëdhënësja e kësaj partie, Natyra Kuçi ka thënë se Qeveria Kurti nuk po e siguron shëndetin dhe as nuk po ndihmon qytetarët e të papunët.

Postimi i saj:

3 qeveri në 1 pandemi; 3 qeveri që braktisën qytetarët.

Në vend të mbështetjes, braktisje. Në vend të solidaritetit me shumicën, ndihma për pakicën.

Edhe qeveritë e djathta nëpër botë kanë implementuar masa mbështetëse krahas masave të pandemisë. Tek ne, një qeveri e deklaruar e majtë, nuk e bënë asnjërën; as nuk siguron shëndetin e qytetarëve as nuk ndërmerrë hapa për të ndihmuar punëtorët e të papunët.

Edhe më keq se kaq, tash po ju heq pensionistëve, qytetarët me më së shumti vdekje gjatë pandemisë, shtesat simbolike që iu dhanë; shtesa që sigurisht veç në barna iu kanë shpenzuar.