Në sheshin “Zahir Pajaziti” në kryeqytet, ka filluar protesta në mbrojtje të grave, shkruan Reporteri.net.

Protesta nisi me sloganin “Nuk ka paqe pa sigurinë e grave”. Qindra njerëz kanë marshuar edhe me slogane të tjera.

Kolektivi për Mendim dhe Veprim Feminist ka organizuar këtë protestë gjithëpopullore, me kërkesë që dhuna e gjinizuar dhe femicidi të trajtohen si urgjencë kombëtare.

Protesta vjen pas vrasjes së fundit që ndodhi.

Liridona Murseli u vra më 29 nëntor në fshatin Bërnicë të Prishtinës.

Në mesin e tre të dyshuarve për vrasje është edhe bashkëshorti i saj, Naim Murseli.

Që të treve u është shqiptuar masa e paraburgimit prej 30 ditësh.