Albanian
English
German
Serbian
Turkish
Macedonian
Croatian
Deputetët e legjislaturës së tetë të Kuvendit të Kosovës janë mbledhur në sallën e seancave plenare ku pritet konstitutimi i tij.
Seanca ka nisur me pak vonesë dhe do të drejtohet nga deputeti më i vjetër i kësaj legjslature Avni Dehari i Vetëvendosjes.
Pritet që kryetar i Kuvendit të zgjidhjet Glauk Konjufca i Vetëvendosjes.
Sipas agjendës, fillimisht do të formohet komisioni i përkohshëm për verifikimin e kuorumit dhe të mandateve të deputetëve, dhënia e betimit të deputetëve, zgjedhja e kryetarit të Kuvendit dhe e nënkryetarëve të Kuvendit.
Lëvizja Vetëvendosje ka dalë si parti e parë nga zgjedhjet e 14 shkurtit në koalicionin që kanë pasur me Listën “GUXO” të Vjosa Osmanit.
Rrjedhimisht, të njëjtëve iu takon që të propozojnë edhe personin që do ta udhëheqë Kuvendin e Kosovës në legjislaturën e re.
Pak orë më vonë ndërkaq pritet të thirret seanca për votimin e Qeverisë.
