Një ditë pasi që dyshohet se u përfshi në përleshje me kolegun e tij në Ministrinë e Tregtisë dhe Industrisë, Arian Krasniqi, nipi i Jakup Krasniqit ka dalë në punë.

Krasniqi ka publikuar një fotografi në Facebook, ku shihet në zyrën e tij. Nuk munguan as komentet përshëndetëse ndaj tij

Krasniqi, këshilltar politik në Ministrinë e Tregtisë dhe Industrisë dyshohet se e ka sulmuar fizikisht sekretarin e kësaj ministrie, Burim Rrecin.

Gazeta Online “Reporteri.net” ka raportuar gjatë ditës për rrahjen ndërmjet nipit të Jakup Krasniqit, Arian Krasniqi dhe Sekretarit të MTI-së Burim Rrecit.

Zëdhënësja e policisë, Flora Ahmeti, ka deklaruar mbrëmë për Reporteri.net se palët e përfshira në rast janë shoqëruar në stacion policor, me urdhër të prokurorit është iniciuar rast sulm ndaj personit zyrtar dhe rasti shkon ne procedure te rregullt. /Reporteri.net/.