David Loyn, ish-korrespodent i BBC-së gjatë luftës në Kosovës, ka treguar disa gjëra interesante nga ajo kohë.

Loyn ka rrëfyer bisedën me ish-presidentin e Kosovës, Ibrahim Rugova.

Loyn thotë se Rugova nuk ka dashur të diskutonte shumë për UÇK-në.

“Për grupin që e përmendni ju jam duke bërë hulumtime se kush janë ata, nëse ekzistojnë apo është lojë serbe. Gjenerator kryesor i dhunës në Kosovë është Serbia” – ishte përgjigjur Rugova, sipas Lyon në emosionin “Kallxo Përnime”.

“Një gjë e jashtëzakonshme këtu është fakti se ai (Rugova) qartazi nuk dëshironte të fliste fare për UÇK-në. Dhe kishte një qasje të tipit ‘Nuk jam shumë i sigurt se kush janë këta njerëz’. Kjo vetëm dëshmonte shkarjen dhe faktin se kjo nuk ishte luftë e përbashkët”, ka deklaruar Lyon.

Korrespondenti nga BBC thotë se ishte i ‘goditur’ nga çmenduria që forcat serbe në krye me Slobodan Millosheviq po përpiqeshin të bënin në Kosovë.“… dukej se po provokonte reagimin i cili në fakt erdhi një vit më vonë”, thotë Loyn.